பதிவு செய்யப்படாத இறப்புக்களை பதிவு செய்தல்

மரணம் நிகழ்ந்து மூன்று மாதங்களுக்குள் இறப்பு பதிவு செய்யப்படாமல் இருந்தால், அத்தகைய மரணத்தை பதிவு செய்து கொள்ளலாம்.

மரணம் நிகழ்ந்து 25 வருடங்களுக்கு மேற்படாத காலத்தினுள் மரணம் தொடர்பான பிரகடனப் படிவம் வழங்கப்பட்டிருத்தல் வேண்டும். (திடீர் மரணம் தவிர)

பிரகடனப் பத்திரம் மரணம் நிகழ்ந்த பகுதிக்குரிய பிரதேச செயலகத்தின் மேலதிக மாவட்டப் பதிவாளரிடம் சமர்ப்பிக்கப்படல் வேண்டும்.

பிரகடனப் பத்திரத்தை முன்வைக்க தகுதிபெற்ற நபர்கள்

• இறக்கும் போது உடனிருந்த அல்லது
• இறப்பெய்தியவர் இறுதியாக நோய்வாய்ப்பட்டிருந்த போது அவருக்கு பணிவிடை செய்த நெருங்கிய உறவினர். 

ஆர்வமுள்ள ஏனையவர்கள்

அறிவிப்புப் படிவத்திற்கான கட்டணம் ரூ. 60.00 ஆகும்.

பிரகடனப் படிவத்தை மரணம் நிகழ்ந்த பிரதேச செயலகத்தின் மேலதிக மாவட்டப் பதிவாளரிடம் சமர்ப்பிக்கப்படல் வேண்டும்.

பின்வரும் நபர்களில் ஒருவரால் பிரகடனம் சமர்ப்பிக்கப்படல் வேண்டும்.

• சம்பவத்தை பதிவு செய்வதற்கு தகவல் வழங்கியவர்
• விடயத்தைப் பற்றிய உண்மையை அறிந்த நம்பகமான நபர்

இறப்புச் சான்றிதழின் பதிவுத் திகதி தவிர்ந்த அனைத்து தகவல்களையும் திருத்தலாம்.

பிரகடனப் பத்திரத்திற்கு செலுத்த வேண்டிய கட்டணம் ரூ. 60.00 ஆகும்.

பிரகடனப் பத்திரத்தில் கூறப்பட்ட கோரிக்கையின் உண்மைத்தன்மையை நிரூபிப்பதற்காக  பெற்றுக்கொள்ளத்தக்க எழுத்துப்பூர்வ ஆதாரங்களை முன்வைத்தல் வேண்டும்.

சிலர் காணாமல் போனதை மரணமாக நிரூபிப்பதற்கான ஆதாரங்கள் இல்லாத காரணத்தினால் அல்லது குறித்த நபர்களுக்கு இறப்புச் சான்றிதழைப் பதிவு செய்வதற்கு உறவினர்கள் விரும்பாத காரணத்தினால், குறித்த காணாமல் போனவர்கள் தொடர்பாக பதிவு செய்யப்பட்ட எந்தவித சட்டபூர்வமான ஆவணங்களும் இல்லாத காரணத்தினால் காணாமல் போனவர்களின் உறவினர்கள் பல்வேறு பிரச்சினைகளை எதிர்நோக்க வேண்டியுள்ளது. 

அத்தகைய நபர்களுக்கு இறப்புச் சான்றிதழோ அல்லது கண்டு கொள்ள முடியாமைக்கான சான்றிதழோ வழங்குவதற்கு பின்வரும் சட்டங்களின் மூலம் ஏற்பாடுகள் வழங்கப்பட்டுள்ளன.

• 2010 ம் ஆண்டின் 19 ம் இலக்க இறப்புகளை பதிவு செய்தல் (தற்காலிக ஏற்பாடுகள்) சட்டம் 
• 2016 ம் ஆண்டின் 16 ம் இலக்க இறப்புகளைப் பதிவு செய்தல் (தற்காலிக ஏற்பாடுகள்) (திருத்தம்) சட்டம் 

வடக்கு மற்றும் கிழக்கு மாகாணங்களில் ஏற்பட்ட மோதல்களின் போது அல்லது மோதல்களின் பின்னர் அல்லது அரசியல் அமைதியின்மை அல்லது சிவில் கலவரங்கள் அல்லது வலுக்கட்டாயமாக காணாமல் ஆக்கப்பட்ட நடவடிக்கைகளின் விளைவாக காணாமல் போயுள்ளதாக அறிக்கையிடப்பட்ட நபர்கள் அல்லது யுத்த நடவடிக்கையின் போது காணாமல் போனவர்கள் என அடையாளம் காணப்பட்ட ஆயுதப்படை அல்லது பொலிஸ் உத்தியோகத்தர்கள் போன்ற காணாமல் போனவர்கள் மற்றும் இயற்கை அனர்த்தங்கள் அல்லது பேரழிவுகள் காரணமாக காணாமல் போனவர்கள் போன்றவர்களின் இறப்பு பதிவுகள் மற்றும் விசாரணை ஆணைக்குழுக்கள் அல்லது விசேட ஜனாதிபதி ஆணைக்குழுக்கள் அல்லது காணாமல் போனவர்கள் தொடர்பான அலுவலகத்தினால் வெளிப்படுத்தும் தகவல்களின் அடிப்படையில் கோரிக்கைகளை முன்வைக்கலாம். 

கண்டு கொள்ள முடியாமைக்கான சான்றிதழுக்காக விண்ணப்பிக்க முடியுமாயிருப்து காணாமற்போன நபரின் உறவினர்களால் ஆகும். 

குறிப்பு;  சட்டத்தின் பிரிவு 14 இல் வரையறுக்கப்பட்டுள்ள "உறவினர்" என்பது,

• வாழ்க்கைத் துணை;
• தத்தெடுக்கப்பட்ட குழந்தைகள், திருமணமாகாத பெற்றோரின் பிள்ளைகள் அல்லது மாற்றாந்தாய் பிள்ளைகள் உட்பட குழந்தைகள்; 
• பெற்றோர், மாற்றாந்தாய், மாற்றாந்தகப்பன், தத்தெடுக்கப்பட்ட நபர்;
• உடன்பிறந்த அல்லது ஒருவழி சகோதரர்கள் (வேறு தாய்/வேறு தந்தைக்குப் பிறந்த சகோதரர்கள்) அல்லது சகோதரிகள் அல்லது தத்தெடுக்கப்பட்ட சகோதரர்கள் அல்லது சகோதரிகள்;
• மாமனார், அத்தைமார், மைத்துனர்கள், அண்ணிமார், மருமகன்கள், மருமகள்கள்;
• பேரக்குழந்தைகள், கொள்ளுப் பேரக்குழந்தைகள் மற்றும் தாத்தாமார் மற்றும் பாட்டிமார்

விண்ணப்பிக்க வேண்டிய முறை

காணாமல் போய் ஒரு வருடத்திற்கு மேல் கடந்துள்ள நபர்களுக்கு, "கண்டு கொள்ள முடியாமைக்கான சான்றிதழ்" (COA) அல்லது இறப்புச் சான்றிதழின் (COD) பதிவுக்கான கோரிக்கையை முன்வைக்க வேண்டியது, காணாமல் போன நபர் கடைசியாக வசித்த அல்லது அவரின் நிரந்தர வசிப்பிடம் அமைந்துள்ள பிரதேசத்தின் மாவட்டப் பதிவாளரிடம் ஆகும்.

விண்ணப்பத்துடன் இணைக்க வேண்டிய இதர ஆவணங்கள் (சட்டத்தின் பிரிவு 8 ஆ)

• உறுதிமொழி (இணைப்பு 02)
• கிராம உத்தியோகத்தர் அறிக்கை (இணைப்பு 03)
• கோரிக்கையை உறுதிப்படுத்தும் ஏனைய சான்றுகள்
• ஆணைக்குழுக்களின் தீர்மானத்தின் சான்றுப்படுப்பட்ட பிரதி

சான்றுப்படுத்தப்பட்ட பிரதிகளை மற்றும் மொழிபெயர்க்கப்பட்ட பிரதிகளைப் பெற்றுக் கொள்ளல்